Усім вялічэзны дзякуй! Сьпяваць было неверагодна прыемна і ўтульна! Каб мы ведалі пра гэтае шчасьце загадзя, дык можна было б асобную вялікую праграму зрабіць)бо выступ неяк хутка праляцеў)
http://budzma.org/news/guda-i-stary-olsa-pouny-unplugged.html
http://tuzin.fm/article/66101/
Калі ёсьць фота-відэа - кідайце нам спасылкі сюды або ў кантахт)

Сябры, запрашаем вас на канцэрт у Графiцi!)) Можна будзе паслухаць позневеснавыя песьнi ў традыцыйным выкананнi, а таксама электрычую праграму, створаную сумесна з гуртом Сяргея Ваўка. Усё адбудзецца у нядзелю а 19ай. Чытайце болей тут http://tuzin.fm/article/66036/

20 траўня ў межах праекту «12 Unplugged» адбудзецца доўгачаканы сумесны канцэрт гуртоў Guda і «Старога Ольсы», на якім чакаецца нямала прыемных сюрпрызаў. Для кожнага выступоўцы гэты вечар будзе асаблівы — Guda ўпершыню ў сваёй гісторыі прадставіць электрычную праграму з рок-складам, а «Стары Ольса» на першым у сваёй гісторыі канцэрце ў паб-клюбе «Графіці» вырашыў адмовіцца ад выкарыстаньня апаратуры, каб перадаць сваё натуральнае жывое гучаньне.

Сумесны канцэрт гуртоў Guda і «Стары Ольса» меркавалася зрабіць у красавіку. Але тады ў сувязі з надзвычай сумнай падзеяй, імпрэзу вырашана было перанесьці. Канцэрт адбудзецца 20 траўня.

Да гэтага выступу Guda падрыхтавалі сапраўдны сюрпрыз. Гурт упершыню ў сваёй гісторыі прадставіць электрычную праграму з рок-складам. Яна створана разам з музыкамі з готык-мэтал каманды Volk. Удзельніца гурта Вікторыя Міхно распавядае, як яны да прыйшлі да такога фармату: «Больш за 10 гадоў Guda выпрацоўвала сваю эстэтыку сьпеву акапэла на падставе лепшых узораў беларускага фальклёру. Яшчэ 10 гадоў мы шукалі шляхі, якімі гэтую эстэтыку можна было б увесьці ў кантэкст сучаснай музыкі. Нашы экспэрымэнты былі заўжды сьмелымі. Мы выпрацоўваем сваю музычную стылістыку і маем сваё бачаньне фальклёру, якое распаўсюджваецца і на далекае мінулае і сёньня».

Падчас выступаў гледачы змогуць задаць пытаньні музыкам. Весьці імпрэзу па традыцыі будзе Алег Хаменка, музыкант і нязьменны вядучы радыёвэрсіі гіт-параду «Тузін Гітоў». Да ўсяго, наведнікі канцэрту маюць шанец атрымаць прызы ад сяброў «Тузіна Гітоў» — кампаніі «Будзьма беларусамі».

Канцэрт пачнецца ў 19:00 20 траўня (нядзеля) у менскім клюбе «Графіці» (зав. Калініна, 16). Кошт квітка — 60 000 руб. Набыць квіткі можна ў клюбе загадзя з 12:00 да 23:00 штодня, акром суботы і нядзелі. Інфалінія: (029) 638-44-44, (033) 638-44-44, skype, google: Diskoteq, ICQ: 531-07-353.

http://tuzin.fm/article/66036/

У нашай дарагой Веры нарадзіўся хлопчык!

Кошт уваходу: уваходны квіток у музей (дзеці -1500, студэнты - 2000, дарослыя - 3000)

Час сьвяткаваньня: з 12:30 да 17:30

Праезд: прыгарадным цягніком Мінск пасажырскі — Маладэчна да станцыі Вязынка. Час адпраўленьня - 11:22, прыбыццё ў 12:19 (іншыя рэйсы ў 12:40, 13:37, 14:22…) Кошт квітка ў адзін бок — 2100.

Падрабязьней глядзіце тут:
http://vk.com/viasna2012
http://www.facebook.com/events/330250603688757/

"- Баба, ці далёка Каліда? - А на макушцы дрэва. Дрэва ў нас такое расло. А тады пройдзе час, мы зноў пытаем, а яна кажэць:- А ўжэ злезаіць. А як ужэ перад Ражджаством пыталі, яна кажэць: - Ужэ за абразамі" (Ніна Машарская, 1917 г.н., в. Вялікае Балота, Расонскі раён).

"А калі наступае первая куцця, маці прыносіць ахапку сена, на лаву на кут кладзе. Куццю вымае з печы, ставіць на сена гэта і кажа: "Прыехала Каляда" (Аліна Рахманец, 1930 г.н., в. Мыслабож, Ляхавіцкі раён).

"Счыталі за чэсць, штоб прышлі казлы. Эта такі празьнік: есьлі казлы ня пабудуць у хаце - у цябе ня будзя нікакога празьніка, ня будзя вязеньня ніякага цэлы год" (Ганна Бурэй, 1945 г.н., в. Доўгае, Салігорскі раён)."А к каму ня зойдуць, дак абіжаюцца людзі: "Ай-ай-яй, за што ж нас? Усім жа хочацца, каб прышлі" (Таццяна Шаура, 1961 г.н., в. Семежава, Капыльскі раён).

Сёння ў 5.30 было сонцастаянне) астранамічныя Каляды)
Са Святам!

Прыехала Каляда з вечара,
Прывезла дудак рэшата.
Паставіла дудкі на стаўпе,
А сама села на Куце.
_____________________________
Каляда, А я сваю каляду, Гэй, каляду.
Каляда, Ды на покуце пасаджу, Гэй, каляду.
Каляда, А Васілёву каляду, Гэй, каляду.
Каляда, Да пад покуццю пасаджу, Гэй, каляду.
Каляда, Да за бараду павяду, Гэй, каляду.

Ідэя зрабіць кліп узьнікла год з паловай таму, пад час працы над праектам “Русальны тыдзень”.

У Беларусi распавядалі аб русалках, часьцей, як аб маладых прыгожых дзяўчатах, аголеных або апранутых у белае адзеньне, якія з’яўляліся вясною і ў часе красаваньня жыта. Русалкі -- ня толькі ахоўніцы збажыны, якімі палохалі дзяцей, каб тыя не хадзілі таптаць жыта, але і ўвасабленьне самога поля, яго жыцьцевай сілы. Калі зжыналі жытняе поле, паміраў і яго дух. Паміраў, каб на новае лета нарадзіцца ізноў.Незвычайна прыгожае міфалагічнае ўяўленьне легла ў аснову прадстаўленага кліпа. Усе ролі мы выканалі самі)

Адзначым, што аўтар сцэнару кліпа і яго рэжысер-пастаноўшчык -- Палiна Пастушэнка, выкладчык катэдры графiчнага дызайну Беларускай дзяржаўнай акадэміі мастацтваў. Паліна хутка і глыбока асэнсавала вялікую колькасьць этнаграфічнага матэрыялу, які датычаў русальнай тэматыкі , і стварыла цудоўны сцэнар для кліпа. Да таго ж яна -- выдатны пастаноўшчык, зь якім лёгка і цікава працаваць. Не адзін год мы працуем невялікай стабільнай і замкнёнай камандай аднадумцаў і Паліна стала першым староннім чалавекам, які згенэраваў шэраг выдатных ідэяў для праекту “Русальны тыдзень”. Гэта вялікая рэдкасьць і радасьць для нас. Мы вельмі ўдзячныя за магчымасьць ствараць разам!

Аператар, які цэлы дзень працаваў з намі пад пякучым сонцам – Дзьмітрый Важнік. Усе цудоўныя фарбы жытняга поля і лета, адчуваньне сапраўднага жніва ў відэаматэрыяле -- яго дасягненьне.

Пра мантаж трэба сказаць асобна. Стварыць кліп, у якім музыка, міфалогія і сучаснае мастацтва суіснуюць гарманічна – вельмі няпростая задача. Перараблялі мы матэрыял разоў пяць) Многія з вас бачылі накіды-чарнавікі… І вось можна, нарэшце прадставіць вынік гэтай доўгай працы. Мантаж зрабілі С. Воўк, А. Юзьвенка, Дзьм. Важнік.

Цяпер пра музыку) Так, у GUDY новае нязвыклае амплуа. Сучасны эквівалент архаічнага мастацтва. Апрацоўка традыцыйнай песьні “За горэю крэмянэю”, створана кампазітарам і аранжыроўшчыкам Сяргеем Ваўком . Інструментальныя партыі да песьні выканалі: Ігар Сацэвіч – бас-гітара (“Apple Tea”), Аляксандр Сапега – бубны (“Apple Tea”), Аляксандр Акульчык – гітара (“Рокаш»), Сяргей Воўк (“Volk”)-- клявішныя, а таксама бэк-вакал.

Наша вялікая ўдзячнасьць за кансультацыі ў часе падрыхтоўкі музычнага і відэаматэрыялу: Аляксандру Паддубскаму, Максіму Івашыну, Паўлу Юрцэвічу, Анатолю Лазару.

Супругу Веры, Зьмітру Пухаву, дзякуем за тэхнічную падтрымку.

Містычны Русальны тыдзень зацягнуўся для нас больш як на год…

Прыемнага прагляду!

Ах, і дай, божа,
Нам каляд даждаць,
Лёлі-лёлі, нам каляд даждаць.
Нам каляд даждаць,
Святых вечароў.
Лёлі-лёлі, святых вечароў.
_________________
Ах, калядачкі, нашы нежачкі,
Ай, набілі ж мы чорны сцежачкі.
Вы ж, калядачкі, прыбліжыцеся
І калбасачкі наніжыцеся.
Мы ж, калядачкі, вас шанаваць будзем,
Кажды ж вечар святкаваць будзем,
А што ж раннейка бліны печ будзем.
Ай, калядныя бліны ладныя,
Ай, мікольскія бліны кольскія.

А яшчэ тут можна паслухаць інтэрвію з Вольгай Емельянчык: http://kamunikat.org/naviny.html?artid=566